女星馮鎵瀠（Naomi）今日凌晨在酒吧與男友人消遣時遇襲受傷，到了灣仔律敦治醫院急症室求診。她回覆東網稱男友人被人非禮，及後自己就被三名男子圍毆：「我下顎、膊頭、手掌、指甲和四肢均受傷，我朋友受傷比我更嚴重！佢哋嘅酒客非禮完人，然後搵人喺樓下打傷我哋！大家幫忙要求以下酒吧，交出cctv及提供打人者資料！」

Naomi於今天凌晨在社交平台甫出事件，她起初問：「銅鑼灣依家有咩玩？」之後於今晨7時，她在網上再大叫：「救命」，打卡位置是灣仔律敦治醫院急症室，及至8時，她再於社交平台講述事件發生經過：「剛才於酒吧消遣時，有陌生人坐落我哋張枱。」Naomi稱不是同志的男友人疑被摸下體：「我哋禮貌地勸喻停止，然後離開。對方『吹雞』喺樓下的士站伏擊我哋。3個人先襲擊同行友人，打至眼鏡飛脫及受傷，被送上的士離開。我上前擋駕，有認識路過的朋友勸交時，3人捉實我，令我被3人打至四肢受傷流血及下顎移位，現已報警處理。」

Naomi受訪時指自己於醫院做了x Ray和腦掃描，現等警方睇完驗傷報告交CID處理。

她又稱夜蒲期間，她的朋友被人非禮，大家已表明了不要再摸，然後離開酒吧，她謂：「對方仲喺?口同我哋say bye bye，然後對方搵人伏擊我哋，打傷我朋友。眼鏡、帽、耳環都甩左。面部同腹部受傷。我上前理論，對方同伴動武推我落地打。」

而好友形象指導許嘉浩（Karl）晚上現身睇舞台劇時，他表示：「嗰日我冇同佢去玩，因為去咗劉晨芝生日party，知道之後都有問候佢，都知佢搞咗成日，要出入醫院同警署。」問到對方平時飲完酒都可有這個情況？他笑言：「佢依家收咗少少火，如果十幾年前應該會指住人哋鬧，不過其實佢今次都係幫朋友，見義勇為，見到朋友畀人騷騷所以就勸交，佢飲醉酒最多都係大叫或瞓覺，冇見過佢打人。」他亦謂對方手腳瘀傷，牙骹又畀人打甩。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。