On仔同媽媽慶生：願你繼續青春

歌手陳健安（On仔）呢日為媽媽慶祝73歲生日，佢除咗喺社交網大晒向媽媽獻吻嘅合照外，留言大講情深說話：「係佢帶我嚟呢個世界，自從我發現我可以令阿媽開心，我就覺得我可以拯救世界。媽，多謝你由細到大都支持我追夢，搬咗出嚟之後一返到屋企都好好餸，晚晚都打畀我話要聽吓我把聲。媽，點睇你都唔似73歲，仲愈嚟愈青春，成日去旅行，四圍玩。同你識咗咁耐，我終於睇到我哋嘅共同特點，任性、硬頸、執着、好奇心重，願你繼續青春，繼續快樂，生日快樂。」唔少網友都大讚陳媽媽外表好後生，完全唔似73歲！

另外，On仔為中秋節活動擔任星級嘉賓，在台上與粉絲大玩遊戲，期間他餵粉絲食月餅後幫粉絲抹嘴，盡顯暖男本色。臨近中秋，On仔指自己中秋時會回家與家人吃飯做節，依而家中共有6位小朋友，身為舅父及阿叔的自己，也會陪玩燈籠。問到在C AllStar四位兄弟中，要揀一位同共慶祝中秋，他會選擇揀釗峰，再被問何時會再以「四位一體」出場表演？On仔表示：「應該未有咁快，但我今個月內推出第一張個人專輯。」當中更有5首是由他親自操刀作曲的。

談及他的Fit爆身形，表示最重要是定立一個目標：「除要堅持同努力外，有一個目標係好重要，就係『我好想要有腹肌』。」現時單身的他，問其揀女友條件是？他稱好簡單：「要識煮嘢食同執拾，仲要善良，亦都要欣賞我嘅才華。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。