池子孝Venus合照勁親密 同Bonnie尷尬到極?

20190909
東網電視
更多新聞短片
大家點睇?
藝人林凱恩(Iris)早前被傳跟處境劇《愛.回家之開心速遞》中的「池子孝」阮政峰拍拖,自緋聞傳出後,今日首次合體為該劇宣傳,雖然他們大方應傳媒要求合照,但亦藏不住一股「尷尬味」,二人之間更留有小罅隙,相比起阮政峰跟鄺潔楹(Judy)「糖黐豆」搭膊頭合照成強烈對比!
自爆有圈外女友
活動後二人一同受訪,問到是否拍拖?阮政峰即否認:「唔係啦!你澄清一下。」將波拋畀Iris,她亦「夾晒口供」說:「唔係!」阮政峰再自爆現有已發展了大半年的圈外女友:「係開心、穩定、愉快嘅關係,所以我依家係幸福肥。之前同Iris嘅關係好少少,但都過咗去啦...依家多咗場口合作。」光明正大摵甩「女友」稱號的Iris笑說:「我冇咁好彩!」阮政峰接話:「係我高攀唔起。」追問到他說的「都過咗去」,是否暗指曾拍拖?阮政峰被問到啞口無言,Iris見狀出口幫手兜:「佢嘅意思係呢段新聞已經過咗去。」一波未平、一波又起,阮政峰不打自招接Iris收工「真相」:「呢件事成年幾之前,嗰時我哋一齊拍甜品節目。」Iris再兜:「係順風車,佢係一個好好嘅前輩。」
解釋Iris與Judy差別「待遇」原因
問到阮政峰為何跟Iris及Judy合照時,有差別「待遇」?他解畫說:「啱啱搭Judy膊頭,珍姐(曾勵珍)喺後面擰頭示意唔好咁親密,咁上頭指示係要聽,唔好同女同事有親密行為,我哋呢套劇係健康、開心。(呂慧儀同張景淳行為都好親密!)佢哋戲內一齊。」問到二人再見會尷尬?Iris坦言有跟阮政峰講「唔好意思」,而阮政峰亦指女友有呷醋:「佢係圈外人要承受緋聞都有啲壓力,但佢都會體諒。」
至於講到劇集「添食」至900集,二人同指好開心,Iris說:「大家認識我就係透過呢套劇,希望大家繼續見證我進步。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。