被朋友整蠱 JW被困雪山抖唔到氣

2019年09月10日 21:20
東網電視
更多新聞短片
真係慘慘豬!
歌手JW(王灝兒)出席網上直播音樂節目,透露節目以旅行為主題,並分享一件滑雪難忘事:「之前同成班朋友去北海道二世古滑雪,第一次滑雪,我好驚,我哋5、6個人跟同一個老師學,仲要好短時間學。」她續謂被朋友呃:「學完之後朋友呃我搭纜車上去食lunch,沿路搭上去時我問點解冇人搭返纜車落嚟,佢哋就話要自己滑番落嚟,我嗰陣仲以為佢哋講笑。」
啱啱食完飯後她真的要被迫滑雪下山:「仲要遇着少少暴風雪,所以嗰次真係好驚,完全抖唔到氣、睇唔到嘢,好彩我家姐喺度陪住我慢慢落。(有冇整親?)係咁跌,所以好攰,第二日起身全身肌肉都係痛,第一日係最慘,第二日最痛苦,因為肌肉痛,第三日就開始識滑雪,第四日就會唔捨得。」她又謂計劃之後再去滑雪:「因為下年就係我同大學朋友相識10周年,所以我哋諗住成班一齊去滑雪,諗住去番嗰度滑。(男友都會去?)應該可能會,我哋全班人一齊去。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。