麥長青做導遊!金剛帶成班師奶返鄉下

2019年09月11日 16:31
東網電視
更多新聞短片
金剛再同麥長青合作。
藝人金剛和麥長青(麥包) 率領十多位C9(師奶),出席ViuTV新節目《C9旅行團》發布會,金剛和麥包稱曾一齊拍劇《巾幗梟雄之義海豪情》,今次首次一齊做主持。問到二人帶C9去邊度旅行?金剛說:「返鄉下(台灣),但其實我依家對台灣都唔熟,諗咗幾日都諗唔到,我放假都匿屋企。」帶C9返屋企煮飯仔?麥包謂:「都係好提議。」金剛謂:「佢哋仲大過我阿媽喎!」麥包即謂:「唔怕伯母誤會,你都公開咗有女友囉。」 提到早前金剛在社交網上留言「放負」,是否和女友感情生變?他否認說:「唔係,唔關感情,係同其他朋友有少少割蓆啫。」
講到以往有金剛的節目都是有性感靚女,今次面對C9團感覺?他謂:「唔可以咁講㗎,但雖然呢個問題我都有問監製。都係唔同感覺,窩心、親情啲囉。」在「C9團」中雖較受歡迎?金剛即指麥包:「佢由粵曲到流行曲都識唱。」至於幾時出發拍攝?二人稱仍在開會中,但預計拍攝超過兩周,麥包稱今次是當Guide, 身旁金剛即大呼:「做雞?」麥包沒好氣說:「我哋點都係做鴨啦,我話做Guide,導遊呀!(即有小費收喎?)同班C9一講畀貼士,佢哋邊點頭,但邊耍手囉!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。