黃心穎獲放生!無綫欽點《牛下女高音》成台慶劇

20190911
東網電視
更多新聞短片
《牛下女高音》終於有得播喇!
由藝人鍾景輝、吳岱融、蔣志光、張振朗和黃心穎主演的無綫劇集《牛下女高音》之前因黃心穎偷食人夫許志安事件而被抽起,及後又有指會安排江嘉敏頂替黃心穎一角重拍,可惜最終重拍無望,像似永不超生一樣。不過凡事都有驚喜,此劇最後居然擊敗了其他劇集如《C9特工》、大陸劇《鳯奕》,搖身一變山雞變鳯凰,成為台慶劇之一,並鐵定於10月7日晚上八時三十分播出,一共三十集,而最重要一點是無綫終於放生黃心穎!就此一役,黃心穎可能會重歸幕前。
監製:通知佢都冇覆
而《牛下女高音》監製黃偉聲接受東網獨家訪問時,提到此劇是黃心穎放生第一役,問心穎是否會返港配合宣傳?黃偉聲謂:「我點搵佢呀!我都搵佢唔到。(公司有冇甚麼指示?)公司冇講過啲乜,冇話唔畀佢宣傳,不過我曾經Whatsapp過佢,通知佢個劇出街嘞!但佢都冇覆我。而且我哋呢套劇主要嘅戲都唔係喺佢嗰度,係喺鍾景輝、蔣志光唱家班嗰度。」他坦言上周五才接獲通知:「啱啱先完成宣傳短片、開完會,淨番幾個禮拜,都比較急。(心穎返嚟協助宣傳? )佢都唔喺香港。」
完全冇刪減戲份
問到女主角缺席宣傳,會否有影響?黃偉聲表示:「其實套劇最主要係講鍾景輝搵返7個四十幾年冇見嘅徒弟,大家重溫以前唱歌嘅快樂時光,呢個先係主線,而佢哋一齊去搵好好聽嘅女高音。(女高音唔見咗?)女高音可能係車婉婉、羅冠蘭都得㗎。」問到可有刪減心穎戲份,他表示:「完全冇,足本版30集。」
韋家雄自彈自唱
而演員之一的韋家雄亦現身電視城化妝間,韋家雄對於劇集終見天日大感高興,且謂:「抵我將僅有幾個chord都攞埋出嚟,我會自彈自唱嘅。」
吳岱融讚題材勵志
而劇集《牛下女高音》的男主角吳岱融得聞消息當然開心,他回覆東網稱:「最緊要係能夠出番街,絕對係開心事,加上近日嘅日子(亂世時期),好啱播呢套劇,佢題材好勵志、正面,內容主要係講我哋一班中佬,鍾景輝係我哋老師,佢返嚟鼓勵我哋唔好放棄,雖然我哋有一定嘅年紀,但都要繼續追求夢想,不放棄人生,唔好咁容易灰(心)!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。