畢彼特抵日宣傳 養子首談二人關係

2019年09月12日 10:01
東網電視
更多新聞短片
畢彼特抵日本,養子麥杜斯首談與父親關係。
荷里活男神畢彼特(Brad Pitt)與前妻安祖蓮娜祖莉(Angelina Jolie)的18歲養子麥杜斯(Maddox)正身在南韓讀大學,而日前有狗仔隊在大學搵到麥杜斯做訪問,麥杜斯被問及父親會否到南韓探望他,他就回答:「呢樣我唔知道或會之後發生咩事。」之後再被問到二人的關係是否完結,麥杜斯就拋了一句:「會發生的就會發生。」似乎仍不願多談!不過之後他亦有透露目前正學緊韓文,亦話明唔會去夜蒲。
畢佬與安祖蓮娜的離婚消息於2016年9月被爆出後,當時有傳聞麥杜斯與畢佬有爭執而導致關係破裂,就算畢佬往探望他亦拒絕見面。至於畢佬昨日就抵達日本東京宣傳新片《星際任務Ad Astra》(Ad Astra),已有一段時間冇去日本宣傳的他一出機場即被大批fans包圍,雖然搭完長途機,但向來零架子的畢佬仍為一眾fans簽名以及自拍。唔知今次日本之行完畢後,畢佬又會否順道去南韓探望養子來修補關係?
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。