唔怕七年之癢!陳茵媺陳豪靠呢樣維繫感情

2019年09月12日 17:14
東網電視
更多新聞短片
陳茵媺同陳豪結婚以來恩愛如昔,係圈中模範夫婦。
藝人陳茵媺以文化大使身份出席意大利文化節活動,透露生了第一個仔及結婚5周年都是去意大利旅行,而明年7周年亦想去意大利,但就會分做兩個trip,一個是與小朋友去,另一個是只與老公陳豪去的romantic trip,她表示:「想去南意,因為意大利好大,我哋每次旅行都係去一星期,因為有小朋友唔行得開太耐。」她又謂6月11號剛過了結婚6周年:「返咗加拿大,不過老公要拍劇去唔到。(佢點補番?)我哋每年都會去一個romantic trip嘅,不過時間唔係自己控制,佢唔使拍劇、拍戲就可以去,就番佢嘅時間。」
旅行維繫感情
問到明年就7周年,可有7年之癢?她笑言:「啋!No。(你哋仲好似拍拖咁sweet?)因為我哋每年都一定有個family trip,都講好每年一定有個兩個人嘅romantic trip,好重要,有咗3個小朋友後平時出街都係拖小朋友,少時間拍拖,但romantic trip可以單獨拍拖,有新嘅memory,我哋都會揀啲未去過嘅地方。」
子女愛中國傳統文化
提到明天中秋節,她表示會在家中煮飯,未知老公有否假期,而小朋友亦有在學校整燈籠,她表示會向小朋友介紹中國傳統:「雖然我都唔係好識,但我哋都想小朋友知多啲,我都買咗本講嫦娥嘅英文書,佢哋好鍾意,估唔到大仔都好鍾意,仲話想睇多幾次,佢哋又鍾意嗰啲chinese drawing,個女又鍾意中文,啲公仔都要改個中文名,佢哋都鍾意傳統。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。