三仔女之母!鄺文珣為工作要封肚

20190912
東網電視
更多新聞短片
鄺文珣要努力工作。
育有二仔一女的藝人鄺文珣,早前挑戰自己,與老公二拖三去澳洲享天倫,亦是其兩歲細女第一次外遊,她說:「亦係第一次咁長途而冇帶工人姐姐同行,自己都覺得好醜,外國人都唔用工人,覺得自己好軟弱,去10日旅行都叫辛苦,不過畀小朋友知道唔係成日都有工人幫都好嘅,同埋今次同行Auntie都讚兩個哥哥好識照顧自己,我真係好驚訝,因為屋企唔係咁,我永遠見唔到佢哋乖,淨係聽人哋講佢乖。」她又讚老公好幫手,指老公做清潔乾淨過她。她表示因為要努力工作,揚言要封肚。
她透露與加拿大科學家合作研究有關保護兒童的軟件,快將推出,她說:「今日啱啱推出網站先,發放兒童用手機存在的危險問題,最近知道一個小學三年級生,已經識得外國最大嘅色情網站,我好肉緊,所以點解7、8年前開始着手搞。(老公幫手?)老公冇得掂色情網,外國形容呢啲不良網上資訊係新嘅不良啫好,會上癮。」
--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。