關智斌處男紅館騷 古巨基拋個身出嚟撐

2019年09月12日 18:35
東網電視
更多新聞短片
古巨基力撐關智斌。
藝人關智斌(Kenny)明天將舉行頭場處男紅館騷,為紀錄演唱會期間的準備情況,製作了一齣奮鬥的紀錄片《Kenny追夢之旅紅館中一起吶喊》,第四集主題是「容我做你隊友」,其中一個好隊友便是演唱會嘉賓之一古巨基(基仔),他透露當看到Kenny早前自述原本快要碰到自己夢想,但突然破滅,坦言看到很擔心︰「雖然當時仲未知會係變咗Kenny開個人演唱會,但我第一時間已經同經理人霍汶希講『唔好唔搞呀!一個人都搞!有乜嘢我可以幫嘅我一定幫!』。」基仔更私下相約Kenny輔導鼓勵,當得悉最後定案為Kenny的個人騷,基仔即向Kenny自薦做嘉賓︰「合作環節不如我陪你變成一個組合唱跳啦!你係Kenny Kwan、我係Ku Kui Kei,咁多『K』我哋就叫『KK TEAM』啦!」
基仔為支持好友,更義務親自設計二人合作環節的服飾。另外,雖然跳舞並非基仔的強項,不過他仍甘願「拋個身出嚟」為Kenny做舞男︰「如果你需要快歌的話,我同你跳舞都得,雖然我跳舞唔叻,但我花多少少時間都可以幫佢跳舞唱快歌。」雖然基仔謙稱自己跳舞唔叻,但到排舞時,基仔反而做了Kenny的導師,相當爆笑﹗排練到尾聲時,只見Kenny、基仔及一眾Dancer在做掌上壓,基仔說:「我懶搞笑話過兩日嚟幫大家操練吓,佢哋就話『好吖,做掌上壓吖!』其實我做唔到㗎!」
而短片末段有彩蛋放送,剪輯了Kenny第一日排舞的情況,Kenny不停跳出可愛的舞步,更問:「係咪好Cute呀啲舞步,放心!大家喺呢個騷係唔會見到,呢個只係關智斌網上頻道。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。