紐約遇女神!李施嬅遺憾未能向妮歌潔曼集郵

2019年09月12日 19:09
東網電視
更多新聞短片
李施嬅遠赴紐約參加時裝周。
藝人黃翠如與唐詩詠(Natalie)近日結伴出席紐約時裝周睇騷,並順道喺當地遊覽,去勻布魯克林橋(Brooklyn Bridge)及帝國大廈等著名地標「打卡」,行程相當豐富!
唐詩詠望遇上「西雅圖」
對於首次現身紐約時裝周,Natalie大讚當地人衣着打扮充滿個性,又表示非常開心能藉此機會「圓夢」:「因為第一次嚟,所有嘢都好想做、好想睇,其中帝國大廈係我一直都好想去嘅地方,因為細個好鍾意睇《緣分的天空》,呢個係我人生十大最想做嘅事之一,所以好開心可以做到。(終於去到帝國大廈有咩感覺?)好感觸,我不停向後望有冇男仔,但都只係見到Francis(鄭紹康)同經理人,惟有希望下次再去可以遇上我嘅西雅圖。」而黃翠如則表示最特別是能與好姊妹Natalie同行,又指今次是二人首次來到紐約,故對一切事物均大感好奇。
至於同樣獲邀出席紐約時裝周的藝人李施嬅,除了睇騷外,更有幸上台行騷,她坦言相當難得:「今次係我第一次喺咁大型嘅舞台行騷,係一個好榮幸嘅經驗,尤其我哋香港演員好少有咁嘅機會,所以好感激有品牌肯畀機會我。」她續指此行更有意外收穫:「最開心係見到我女神Nicole Kidman(妮歌潔曼),佢演技又好又靚女,但好可惜現場實在太多人,未有機會同佢合照,希望將來再有機會啦。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。