失魂上擔架床　陳庭欣自揭胃抽筋原因

藝人陳庭欣下午為節目《香港唱好演唱會》綵排期間突然胃抽筋，要保安人員用擔架床移送她往休息室，經休息後，她今晚繼續演出。

陳庭欣以低胸裝晒事業線上陣，面色亦好轉了不少，她表示近期自己有點「失魂」：「之前滑水畀塊滑水板撞到右邊塊面，眼肚位置瘀晒，要靠化妝遮住，好在冇撞到隻眼，否則大件事，今日又無端端胃抽筋，我有食早餐，所以都唔知點解。」

休息過後她已無大礙，之前擔心家人看到報道會被嚇倒，所以立即跟家人報平安：「我休息埋今晚先，睇吓之後使唔使去做身體檢查。（怕唔怕影響今晚演出？）咁又唔會，今晚係八個女仔一齊唱《萬水千山總是情》，都係合唱，我得一句獨唱，可能知道要唱現場，所以緊張到胃抽筋卦！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。