被樂易玲照肺!江嘉敏認錯:我一時衝動

2019年09月12日 20:17
東網電視
更多新聞短片
江嘉敏被樂易玲照肺。
藝人江嘉敏穿着一套粉紅裙配黑上衣的大露背晚裝,出席無綫在電視城舉行的《香港唱好演唱會》。有關她打算瞞男友與X先生去日本「偷食」一事,成為被追訪對象,江嘉敏稱今日返電視城時即被高層樂易玲「照肺」:「今朝好衝動回應咗件事,返嚟就被樂小姐照肺,佢話傳媒報道我唔應該回應,非常抱歉呀,我一時衝動回應咗!(真有其事?)已向男友解釋,佢知咩事,好諒解我。(有冇出現感情問題?)冇喎,我哋非常好,冇問題,見我咁長肉就知啦!(件事係點?)嗰啲聲帶經剪輯,真實極都有限啦,唔真實唔再回應。(聲帶係你把聲?)係。(樂小姐鬧你咩?)唔應該回應,但自己當時好嬲,先會破口大罵!(有借50萬?)唉吔…經剪輯嘅短訊,唔回應啦,身邊朋友知發生咩事,自己都喺平台回應咗,所以唔再講,唔想再畀樂小姐照肺!」
問江嘉敏邊個是X先生呢?她說:「係男友認識嘅朋友,其實都唔太清楚佢做咩,只知佢有賣衫、鞋。(你同佢有乜轇轕?)冇。(真係問佢借錢開琴行?)自己未入行前係教琴,係有呢個想法,等遲啲同家人傾。(咁知訊中有講『死就一齊』喎?)語氣唔係嬌嗲,好強硬㗎!(怕仲有其他聲流出?)唔怕,所有語音短訊我男友都過目晒,冇問題,好信我!(點解咁搞你?)我只知要帶眼識人,要改信人嘅習慣。(傾咁耐又話唔熟,究竟你哋關係點?)不只我,連男友都同佢唔熟,只係買衫、鞋先聯絡。(之後仲會聯絡?)梗係唔會再聯絡!(點解唔質問佢?)冇意思,都出咗街。(動機?)唔清楚,今次上咗寶貴一課,要帶眼識人!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。