準老婆太好服侍?姚子羚爆陳山聰身形暴脹

2019年09月13日 01:51
東網電視
更多新聞短片
陳山聰由肌肉男變肥肉男。
藝員黃智雯、姚子羚、湯洛雯、劉佩玥、莊思明和江嘉敏為無綫《香港唱好演唱會》合唱杜麗莎的歌曲《眉頭不再猛皺》,雖然一首歌已分6份唱,不過,6女唱功依然有極大進步空間。智雯表示沒有太多排練時間,集齊6人綵排只排過一次,可能都會有少少緊張,當然未必最理想。子羚亦言:「我覺得自己合格啦,因為啱啱開完廠就趕過嚟入廠,大家又未真係6個女仔有太多時間去排,最緊要出嚟感覺開心啦。」因子羚和陳山聰正拍攝新劇《大步走》,問到可有恭喜他將娶老婆?子羚笑言:「我日日都恭喜佢啦,日日同佢開工。(有冇鞭策佢要佢減肥?)係喎,同佢拍《唐人街》佢啲肌肉好實,依家佢就脹番,可能準陳太啲湯水太足,咁我都有受惠,因為開工時,準陳太都有叫山聰攞涼茶攞湯畀我飲,呢位準人妻真係好好。」
至於山聰婚禮上兩人可有被分配「崗位」去幫手?智雯笑言看看可需要節目表演,但相信山聰會準備神秘環節給太太驚喜。子羚稱其實只要山聰叫到必定赴湯蹈火,任何位置她們都會幫手,不過,山聰只叫她們到時「着靚啲」,當參加Party便可。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。