東方日報C1:江嘉敏傳偷食男友兄弟足本私訊還拖

2019年09月13日 03:43
東網電視
更多新聞短片
氹打本50萬開琴行?
無綫小花江嘉敏陷入桃色糾紛!與電競公司高層拍拖的她,疑似偷食男友的朋友,更有兩人的曖昧對話聲帶及短訊流出,還被指問對方借50萬開琴行。她否認事件,並公開兩人對話截圖作反擊。
為香港人打氣的無綫節目《香港唱好演唱會》昨晚在電視城錄影,全台90位藝員傾巢而出,包括陳豪、陳展鵬、李佳芯、黃智雯、高海寧、陳庭欣、劉佩玥與江嘉敏等,雖然一眾小生花旦齊集,但小花江嘉敏因陷入桃色糾紛而成為追訪目標!
24歲江嘉敏與30歲電競公司高層Anthony拍拖逾年,感情穩定,但昨日有指她搭上男友的好朋友X先生,更有WhatsApp對話截圖流出,如X先生深情留言「我死了誰疼你」及江嘉敏回覆「死就一齊」外,還涉及叫他以50萬打本開琴行,又指兩人夾計瞞住男友,以公幹為理由齊齊飛去日本「偷食」。
開名斥爆料者斷章取義
對於被指出軌,江嘉敏昨早已在社交網反擊,力證與男友感情不受影響:「我同男朋友都預咗呢一日,你會Cap頭Cap尾,又話我溝你又話我呃你錢!夠膽就唔好Cap頭尾,畀全部嘢人哋睇嘛!仲要夠膽做,唔夠膽面對!」還開名怒罵爆料者:「X咩先生吖扮神秘?王XX先生!」事後,她回覆本報記者,稱報料者行為匪夷所思:「呢個人好奇怪!話我呃佢去日本旅行散心,事緣佢話同朋友開公司,想請藝人去日本一個Event,我叫佢準備邀請卡、海報咁,等我畀公司睇再夾期同價錢。我都有同男友講話王先生請我去Event,佢都同意我做法,但演變成咁,真係匪夷所思!」至於有否問對方借50萬開琴行?她否認並公開兩人對話截圖,澄清根本沒有問過借錢。
全日忙為桃色糾紛解畫的江嘉敏,晚上趕往電視城錄影,甫到埗便被高層樂易玲「照肺」,她說:「今朝好衝動回應咗件事,返嚟就被樂小姐照肺,佢話傳媒報道我唔應該回應,非常抱歉!(真有其事?)已同男友解釋,佢知咩事,好諒解我。(感情有冇問題?)冇喎!我哋非常好,見我咁長肉就知啦!(件事係點?)嗰啲聲帶經剪輯,真實極都有限啦!」對於開名鬧爆X先生,江嘉敏表示只知是男友的朋友,不太清楚對方:「只知佢有賣衫、鞋,同佢冇乜轇轕。(短訊中講過『死就一齊』?)語氣唔係嬌嗲,好強㗎!(怕仲有其他聲帶流出?)唔怕,所有語音短訊我男友都過目晒,冇問題,好信我!(點解咁搞你?)唔清楚,今次上咗寶貴一課,要帶眼識人!」
王浩信避忌 眼尾都唔望
江嘉敏再爆是非,曾與她傳緋聞的王浩信明顯「保持距離」!節目大合唱環節時,兩人獲安排企在同一行,雖然只相隔兩個身位,但他全程冇望向江嘉敏的方向,亦沒有接受媒體訪問,十分避忌;相反,江嘉敏非常活躍,不時撩身邊的「人夫」黎諾懿與譚俊彥傾偈,完全沒因桃色事件影響心情。
更多新聞,請瀏覽東方日報網頁: