嘴部凸起被嘲火氣大 李榮浩重提慘劇解畫

20190913
東網電視
更多新聞短片
李榮浩為咗解答大家問題,不惜重提當年慘事。
大陸歌手李榮浩出道前曾發生嚴重車禍,斷咗三條肋骨,其中兩條更插入肺部,死過翻生!佢今日就喺社交網上載咗張自拍照,話好多人問佢點解右唇經常有個位置凸起,原來係關車禍事!
佢話:「很多人好奇我嘴怎麼了,總是有一塊是凸起的,是不是上火了!統一回覆,十幾年出了一個車禍撞的,縫了肌肉針,不可以拆線,所以線留在肌肉裡(裏)留下疤痕。」唔少網民都覺得心痛,要佢重提慘劇釋除疑慮。
李榮浩曾透露當時嘴唇傷到血管動脈,血不停流,只能靠電燒止血,右腿都扭轉咗180度,傷勢非常嚴重。當時更一度痛到唔想生存,事後更做咗好幾次手術,住咗成年醫院,右腿嚴重萎縮到比手腕更細,經過長期運動治療先逐漸康復。
雖然被大家誤會,但佢最後仲幽默反問:「我想問誰火可以那麼大,十幾年一直嘴上頂個包?」唔少網民都讚佢搞笑「笑死,難怪丞琳這麼愛你?」、「有疤才是真男人」!
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。