想食軟飯?陸浩明孖「學生妹」女友簽證書

2019年09月13日 14:50
東網電視
更多新聞短片
幾時可以正式恭喜你哋先?
藝人陸浩明(6號)孖女友陳詩欣(Ayan)情侶檔出席餐廳開幕活動,6號化身「食神」、而Ayan就變身學生妹,二人簽下任食證書,場面猶如簽結婚證書,即被司儀催婚!受訪時6號坦言迷戀「制服誘惑」,曾多次明示或暗示Ayan着校服,今次公器私用之下女友終着上「戰衣」,開心到6號笑說可以校服代酬勞,等女友回家再着。講到Cosplay,Ayan笑話希望男友扮護士,因為白色制服似白馬王子!6號聞言靈機一觸抵死大笑:「我扮男護士,你扮女護士,可以互相身體檢查,年年都要檢查身體好緊要㗎,哈哈!」
講到剛簽「證書」被催婚,6號指聽到都呆一呆,雖然跟女友是有結婚打算,但還未準備好:「未準備粒『糖』(指鑽戒)。」隨即宣布「大事」計劃:「目標係想幫佢(女友)開間甜品舖,佢都好鍾意整甜品,佢都話想學藍帶,可以投資落佢度,等佢將來開Cafe養番我,希望到時我可以食軟性甜品,呢個係終極目標!」問到Ayan可介意養男友?她指不介意,續說有朋友去法國上藍帶課程花了50多萬,6號瞪大眼說:「嘩!要喺TVB做幾多年先有?睇嚟要加簽10年約先掂!(畀女友去法國學?)一、兩個月都OK,但其實好似香港都有得學。(影響置業夢?)學就冇咗啲首期,之前都有抽新樓,但依家環境咁波動,都係睇定啲年尾先入市。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。