撈得咁掂有秘訣 肥媽:要識擦鞋同自私

2019年09月13日 18:09
東網電視
更多新聞短片
肥媽自揭成功秘訣:「要識擦鞋同自私!」
資深藝人肥媽(Maria Cordero)是娛樂圈開心果,為人積極、正面。昨日為香港聖公會福利協會屬下彩齡學院舉辦的「星級導師計劃(第三期)」擔任壓軸嘉賓。先後獲頒榮譽勳章(MH)、銅紫荊星章(BBS)的肥媽分享成功秘訣:「我11歲出嚟打工,六年級都未畢業就有依家嘅成績,做人重緊要係訂立目標,有信心、有恒心去完成。」
睇銀行存摺節食
談到爆減肥經歷,原來曾經有美容公司預先付數百萬元代言人費給她,條件是要求她在4個月內減肥75磅,失敗就要退回,她說:「收咗錢當然唔想退番畀人!咁就要想辦法完成,食物改用水煮、堅持每日早上步行45分鐘當運動、少食多餐……」更笑言會把銀行存摺放在身邊,肚餓就看看入了錢的戶口,成功制止食慾。當面對負面新聞時,肥媽會乾脆不看,避免令自己不開心。
記得享受人生
談及維繫家人感情,肥媽學懂了「擦鞋」和「自私」:「讚美會令大家開心,擦媳婦鞋係為個仔好,擦女婿鞋係為個女好,擦奶奶係為老公好,一家和氣,何樂而不為!」所謂「自私」,是學懂愛錫自己:「有時間、有閒錢就去旅行,吃喝玩樂,打扮一下自己,去修甲、買衫、揼骨,要話畀自己知,已經完成咗家庭嘅責任,係時候享受一下人生!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。