被高Ling嘲遊戲黑洞!楊明還擊:佢想攬炒

2019年09月13日 22:03
東網電視
更多新聞短片
咁邊個先係遊戲黑洞?
藝人楊明為無綫節目《娛樂大家》錄影,講到被高海寧笑指是「遊戲黑洞」,楊明反擊兼自誇是「遊戲天王」:「佢想攬炒啫!呢啲佢最熟嗰個係我,梗係攬住我啦!(佢話啱啱試玩呃到大家贏咗!)佢玩遊戲係黑洞,但做戲係非常之好!佢個無知嘅樣已經係紀錄在案,佢再用呢招就會被識穿。」
講到燉湯生意,楊明開心宣布將開灣仔分店:「第一間喺荔枝角、第二間喺炮台山,呢間舖面會大啲,有100個座位,就好似旗艦店咁,又向目標行近一大步,想開多啲位置,就好似開到同大型快餐店咁多。(差新界區未有分店,下一步?)都係,希望3間舖頭平穩向上,賺多啲再喺各區開分店。」問到賺到的資金會儲起結婚用?他怕醜笑話:「一直都係。(上次跟女友莊思明返馬來西亞,被佢媽咪催抱孫!)呢啲係老人家嘅口頭禪,其實我爸爸、媽媽都有叫,但佢哋唔係好明生咗小朋友要顧及好多嘢,生小朋友固然重要,但唔可以倉促。(有咩Plan?)我係一個好傳統嘅男人,睇我盤燉湯生意都係循序漸進,想結完婚甜蜜一段時間先生小朋友。」另外,同場還有黎諾懿、羅天宇做嘉賓。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。