真空加穿窿褲 Kenny應節晒「月光」開騷

20190914
東網電視
更多新聞短片
Kenny呢個處男騷去到盡。
關智斌(Kenny)舉行一連兩場處男紅館騷《KENNY is BORN 關智斌演唱會》頭場演出,首位嘉賓古巨基出場,兩人合體「BOYZ」跳唱出《La La世界》,其中Kenny身穿短身外套大露腹肌,條褲側邊又開窿,全場尖叫。Kenny多謝基仔:「由我知道宣布要開第一次演唱會之後,佢係第一個1蚊都唔收,直接支持我嘅大哥哥。」基仔笑言:「唔只1蚊都唔收,係仲要倒貼。」Kenny續謂:「佢知我冇咗個拍檔,所以就話要同我跳《La La世界》。」基仔笑言:「希望你唔好介意我幾十勾。」
Kenny又講到自己身上的服裝:「呢度係半套衫,係古巨基設計嘅。」基仔表示要配合成part組合及dancers的整體概念,所以特別設計,笑言幾滿意套衫,又問可唔可以摸吓Kenny的腹肌,Kenny即自爆入面下身真空:「我入面咩都冇。」全場尖叫歡呼,基仔抵死謂:「我做證,我諗佢係紅館開演唱會第一個要換埋底褲嘅。」他又抵死解釋設計概念:「因為中秋節,大家想唔想賞月?有個側月、半月,紅館都可以賞月㗎!」全場爆笑。
基仔就為Kenny所以雙腳露毛,又唔畀對方捽他的腳毛,笑言只有老婆捽得。基仔又謂兩人要改個組合名,有網友提議不如叫「巨斌組合」、或者「童顏巨斌」,但笑言好鹹濕。之後兩人唱歌,基仔再講有味笑話:「中秋節帶大家近啲賞月,但有少少危險,驚有隻雀仔會飛過月亮。」之後兩人合唱《友共情》。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。