Twins唔拍拖撐處男騷 爆Kenny係直男?

2019年09月14日 02:56
東網電視
更多新聞短片
中秋都唔拍拖嚟撐場夠晒老友。
歌手關智斌(Kenny)於紅館舉行處男騷《KENNY is BORN 關智斌演唱會》,獲好友Twins做嘉賓,三人合唱《愛情當入樽》,Kenny感謝兩位中秋節不拍拖都過來支持,鍾欣潼(阿嬌)即謂:「一齊嚟陪你,我老公都嚟咗。」Kenny表示與Twins就像青梅竹馬,蔡卓妍(阿Sa)又表示Kenny為他們帶來無限歡樂。
兩女大講Kenny的優點,阿嬌讚他講嘢直,阿Sa即抵死問:「好直咩你?」全場爆笑,又大爆Kenny慳家:「有一次去Kenny屋企,見到佢有個空氣清新機,一拎上去點解舊嘢咁輕,原來佢幾百蚊嘢都要走去買翻版。」Kenny即解釋:「你講咗10年都仲講,其實我唔係孤寒,我係畀人呃,我都唔知嗰個係假嘢。」全場爆笑。之後阿嬌又爆阿Sa:「有次食飯好貴,每人要5,000蚊。」阿Sa即解釋:「我都覺得好貴,話說我哋成班人好耐冇見,我就book咗間我之前食過好食嘅餐廳,但之前嗰次係人哋畀錢,所以我唔知係咁貴,食完我都覺得好貴。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。