收收埋埋自揭秘密!周揚青嗌羅志祥老公

2019年09月14日 11:43
東網電視
更多新聞短片
記得戴好太陽眼鏡先睇呀~~
台灣歌手羅志祥(小豬)同內地網紅周揚青拍拖咁多年,由一開始嘅地下情,到依家大大方方擺晒上枱,兩個人都成日喺社交網放閃,喺12日歡度31歲生日嘅周揚青,今次又有新招閃盲網友~~本身小豬喺正日甫咗女友最愛嘅手拖手合照送上祝福,加埋錫錫Emoji晒愛,仲親自帶女友飛紐約慶生,聽落都已經夠晒Sweet,點知一轉頭周揚青就喺合照下留言:「喜歡這張照片是因為你眼裡藏不住的愛意 就像我愛你 😘」真係甜過蜂蜜!
唔只咁,周揚青又喺IG限時動態繼續晒,好似甫夜景相話:「哈哈,我的生日是在觀光車上度過的。」網友都笑指浪漫得嚟又有創意嘅生日驚喜好符合小豬作風,而小豬自己都晒出身處紐約時代廣場嘅相,今日又齊獨照並二口同聲道:「你們那邊的早上 我這邊的晚上好!」
之後更有網友晒出疑似周揚青與友人嘅私訊對話,當中「周揚青」直認「最愛的合照」係小豬舊年帶佢去杜拜慶生嘅照片,仲直接嗌小豬做老公:「因為我覺得我老公看我的眼神有愛。」被對方笑逆光睇唔到小豬眼神時,佢又甜蜜回覆:「看不出來嗎?我是隔着眼鏡都能感受得到,可能你們是外人感受不到吧。」又叫老公又話外人感受唔到咁,唔知二人幾時有好消息公布呢?
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。