林峯冇影！張馨月中秋唔愁寂寞獨享狀元餅

尋日係中秋節，唔少人都同朋友家人出去賞月，不過林峯因趕拍劇集《使徒行者3》而冇時間陪女友張馨月過節，佢喺微博上載自拍照同女友傳情，而張馨月就有家人陪不愁寂寞！佢玩中秋博狀元餅遊戲時，投擲六粒骰仔，其中四粒擲到四以上，成功成為「狀元」，可以獨享一個狀元餅，非常滿足！

而早前被人發現肥咗唔少嘅吳亦凡，雖然之後慢慢瘦番，但都唔敢輕舉妄動，同月餅影相當食咗：「月餅是你們的，沙拉是我的。」內地男團「X玖少年團」成員肖戰就一反傳統唔食月餅唔玩燈籠，用畫畫代替行動畫金豬同月餅賀中秋，唔少粉絲大讚佢畫功了得，認真有板有眼！

---------------

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。