周奕瑋扮伊賀忍者　掟飛鏢掟上屋頂

「日本通」周奕瑋9月12日度過36歲生日，不過由於工作關係未有大肆慶祝，他笑說：「朋友約會要下星期先開始，遲啲先有蛋榚切。」早前他以旅行社代言人身份到訪大阪及三重拍攝短片，期間有機會探訪自己最愛的企鵝：「喺大阪嘅水族館一見到小可愛們，我就喺度徘徊咗大半個鐘，見到企鵝真係好開心，可以話係今年最大嘅生日禮物。」

身為漫畫迷的他更有機會扮演伊賀忍者：「我細個睇好多呢類卡通，今次仲有機會學掟飛鏢添，點知個鏢板成道門咁大我都掟唔中，仲掟咗上屋頂，自己覺得好肉酸囉，但嗰度啲工作人員為咗幫我加油，竟然話我係『出奇不意的隱者』，即係等於人哋射龍門用假動作欺騙對手，不過我邊有咁高招吖？客套說話都幾好聽。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。