拍劇撻着！陳家樂陳瀅傳豪宅同居試婚

現年29歲的「宅男女神」陳瀅（Jeannie）Dry咗好耐，今日有傳秘密撻着現年32歲陳家樂，兩人去年因合作無綫劇集《廉政行動2019》而認識，隨後被發現於中環撐枱腳，及後更有傳二人蜜遊日本過除夕元旦。

據知，兩人已經進入同居試婚的階段，陳瀅早前退租自己所租住的單位，改轉租較大的單位與家樂同居，而陳瀅閒時都會喺愛巢煮番兩味餵飽家樂，過住夫妻生活。

陳家樂對於被指與陳瀅同居試婚，斬釘截鐵地否認：「我們沒有拍拖，亦沒有同居，一直都是好朋友。現階段我把事業放在第一位，謝謝關心。」至於陳瀅受訪時否認說：「唔係事實唔想回應，作為朋友亦唔會專登了解人哋行蹤。（件事會唔會影響你哋友誼？）唔會，一直係朋友，會繼續做朋友，其他就唔想講太多。」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。