包辦前後期 陳慧珊孖老公談終身學習

2019年09月17日 16:36
東網電視
更多新聞短片
人生教育,真係終生學習。
正收讀教育系博士學位的藝人陳慧珊(Flora)與老公鍾家鴻(Mike)自資兼監製的節目《放學後》,將於香港開電視播出,兩人訪問多位嘉賓例如吳鎮宇、胡杏兒及宣萱的教育背景,帶出家教、學教外亦更要終身自教及終身學習。
Flora近八年重返港大學園修讀教育系,她直言有份使命感要為教育界作出貢獻,Flora說:「我依家有三個身份,家長、學生、教育工作者,近期都有去唔同地方演講。(唔再拍劇?)我永遠都係藝人,只係個天叫我唔好做住,我好幸運可以做演員、讀到書,依家希望將娛樂圈同教育嘅嘢crossover,去講座可能得幾百個人睇到,但拍個節目可以更快將訊息傳開去。」他們表示想以新的包裝製作節目,並非一般的清談節目或真人騷,故不惜投資逾七位數字製作:「難度係冇劇本,得我哋兩個做晒前期後期,為每一個受訪者度身訂造故事同拍法,相信觀眾一定喺若干部分搵到共鳴。」
Flora與Mike的愛女將12歲,她笑言兩人是超齡家長,教育下一代每日都是挑戰:「我都就50歲,試過Mike湊女放學時被誤認做個女嘅公公,因為好多父母都只係30幾歲,我教授都係得30幾歲,以前有睇開我啲戲,你話幾誇張?但我哋有嘅係經驗,睇嘅嘢一定唔同,大家好信住我,更加願意同我分享,做嘢方便啲。」問到跟囡囡有否代溝?他們說:「冇!個女會話畀我哋知佢想點教佢,佢鍾意哲學,我哋都會不停Update自己,始終科技方面佢哋學得好快。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。