唔介意被標籤慘情女王!JW教你失戀點逃生

2019年09月21日 22:22
東網電視
更多新聞短片
JW話唔怕被標籤,最緊要有共鳴!
以慘情歌「聞名」的王灝兒(JW)又一力作,勢為一眾失戀者帶來嶄新希望,不過拍MV時卻深陷「苦境」,最終爆喊崩潰收場,「慘情女王」寶座當之無愧!
首次錄歌似被擊敗
事隔9個月推出新歌《逃生門》的JW,首次跟周國賢合作,她表示深感榮幸︰「覺得好驚喜、好興奮,之前演唱會都有搵佢做嘉賓。(試過邀歌?)唔敢呀﹗知佢係一個大忙人,但之後聽到個Demo心情好複雜,覺得成首歌都好『周國賢Style』,高音好高、低音好低,好多謝舒老闆(舒文)喺錄音嘅時候都幫咗我好多。」續自爆首次錄音的感覺似被擊敗,覺得新歌不是屬於自己,後期才愈錄愈有自信。
搵朋友家人傾訴
講到新歌,JW直言想帶出「希望」︰「即使段關喺『死咗』,你有幾唔開心都好,都可以喺呢個困局入面搵逃生門,畀一個出路同希望自己。」以JW的自身經驗,她指失戀時會主動搵朋友、家人傾訴︰「喺一段感情入面好容易會依賴咗另一半,失戀就會覺得好寂寞,覺得冇人再關心自己,搵朋友就會覺得呢個世界仲有好多人錫自己。」
爆喊短片有機心
JW於新歌正式派台前,先在個人Instagram上載一段咪嘴拍MV的爆喊短片作宣傳,她坦言是受歌曲影響才喊,同時亦自揭背後「別有用心」︰「其實冇人要求我喊,通常都會創造一個畫面畀自己投入,但今次唔使,個旋律好帶動到我,個感情就一直去,覺得個心係一直摺住摺住咁!加上我知道喺MV只會出現好少時間。(想搶鏡?)哈哈!喺度諗點可以利用嗰幾十秒去發揮,當時前面有一幅棋嘅畫,就諗起爺爺,當佢喺度嘅時候就成日同佢捉象棋,擺晒情緒落去,所以諗嘅嘢係同首歌有出入。」
入錄音室發洩
不過這段精彩片段最後沒有剪接於MV內,問到會否覺得好可惜?她笑說︰「所以我自己Post咗出嚟,覺得MV係要連貫,如果無端端見到我喺度爆喊好似唔係咁好。(難抽離?)唔會,一拍完呢個Take我就好興奮,平時入錄音室錄歌就好似畀我發洩咁。」
最緊要有共鳴
主力唱慘情歌的JW,不介意被稱「慘情女王」︰「情歌都分好多種,有慘情、期待愛情、熱戀,希望有唔同類型嘅情歌,喺咩階段都可以聽我啲歌。唔怕被標籤,最緊要有共鳴,起碼當一個人覺得好唔開心、好慘情,佢第一時間係會想聽我嘅歌。」
場地︰The Wave
服裝︰The Kooples
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。