工作重要過愛情!吳浩康爆好耐冇見崔碧珈

20190922
東網電視
更多新聞短片
吳浩康自爆對上一次見崔碧珈應該兩、三個星期前!
歌手吳浩康(Deep)到大埔林村許願樹出席活動,表示之前來過掟寶牒:「成功掟到,但唔記得個願望啦,應該係身體健康,靈嘅。」他又謂最近多經過附近,因為踩mountain bike,問到可是同埋女友崔碧珈一齊踩?他笑言:「帶埋佢真係搞唔掂。(跟你入山最危險?)係驚佢人身安全,同埋我自己都唔係BB班咁簡單,係低B班。」他亦謂女友平時都有做開運動:「佢有跑馬拉松,跑開步。(你哋會一齊做運動?)夾到時間就會一齊行山同跑山。(佢係好嘅運動partner?)ok㗎,佢唔會亂嗌辛苦,最怕啲人怕攰。(佢體力好過你?)咁又唔係,好彩我有良好底子。」
講到女友早前疑似抑鬱症復發,他表示對方現時好些:「佢最近做嘢忙,有工作寄託好緊要,好多情緒可以透過工作發洩。」又自爆好耐冇見過女友:「對上一次應該兩、三個星期前,見咗幾個鐘,因為佢好多時唔喺香港,就算喺香港,但我又要宣傳新歌唔得閒。(你哋有冇詐型?)唔會,講好會支持對方工作,工作係大過對方,我哋協議咗。」
問到之後可會想一起去旅行爭取時間見面?他表示:「我想㗎,但可能過埋年尾先,想做埋手頭上工作先,因為今年上半年拍戲,所以依家想趕番唱歌進度,之前話想開騷,但都要儲吓歌先,依家努力中。」
---------------
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。