母子檔舞獅！郭秀雲龐景峰鼓勵長者做運動

藝人郭秀雲與兒子龐景峰出席「獅籌之路．傳承孝道」活動，透露將母子檔聯同眾人一起表演。負責舞獅頭的郭秀雲，表示從小受熱愛武術的母親影響：「我唔鍾意打拳，鍾意動物，扮獅子會好生動，但我只可以舞獅頭，舞獅尾唔夠力。（有冇試過受傷？）都有小傷過，拍戲先有大傷。」龐景峰則指平日以打居多，未有玩過舞獅，問到母子二人可有默契？他們同聲表示問題不大，郭秀雲更說：「希望借呢個活動，鼓勵多啲公公婆婆做運動。」

而擔任健身、武術教練一段時間的龐景峰，表示閒時也有於公園免費授課：「我連一歲幾嘅狗仔都訓練佢跑步，有時半夜叫媽咪一齊跑，不過多數都係佢去終點接番我去食嘢。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。