公然示愛！林峯咁樣叫女友　激嬲粉絲

忙於為《使徒行者3》開工嘅藝人林峯，搞到連早前女友生日都冇時間陪對方，張馨月則於20號晒出多張與好姊妹慶生照片，原以為林峯冇影，其實只係低調進行！

事隔一日，林峯喺女友微博留言，甜蜜咁寫道：「親愛的豬寶寶，祝你永遠幸福快樂，愛你！」而張馨月則是淡淡地回覆：「承你貴言」。實行隔空示愛，向住世界講我愛你，但都因為咁而觸動林峯Fans神經，有人話會咁樣講嘢根本唔似林峯，係張馨月偷用林峯嘅帳號留言畀自己，都有人話係林峯經理人用林峯嘅帳號留言畀張馨月，真係信不信由你。

而留言過後，係同一日林峯就更新社交網，佢穿上一年白色T恤的照片，跟住一日，張馨月都晒出同樣的白色T恤照，兩人偷偷隔空放閃，令人聯想到21號林峯幫女友補祝生日，網友就話其實兩人一樣愛得甜蜜，只係扮低調。

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。