公路之旅度蜜月 王敏奕爆曾國祥鍾意瘦底

20190923
東網電視
更多新聞短片
咁王敏奕又真係唔肥嘅!
新婚王敏奕出席ViuTV劇集《假設性犯罪》記者會,受訪時被叫「曾太」,她甜笑指不習慣:「我淨係諗到佢(曾國祥)媽咪,可能你哋叫多一排就會叫番我Venus喇。」
談到劇中被梁漢文強暴,她謂:「第一集就出最激嘅。(同老公一齊睇?)佢到時應該唔喺香港,不過日前我喺廚房,突然聽到自己把聲,佢喺廳應該係睇緊劇集宣片,我立即衝出去追問佢做乜。(老公有乜反應?)佢冇話我演得差就OK,咁佢係位好導演,除咗呢方面我冇嘢好擔心。」
問到婚後曾國祥是否禁止她拍性感或親熱戲,王敏奕說:「佢只係話性感唔係我style,唔好夾硬嚟,我覺得性感可以有唔同嘅層次。我老公其實鍾意瘦削型,我又唔算好骨感,不過佢話無論我肥瘦佢都鍾意!」
至於何時起程度蜜月?她透露還未決定:「我哋年年都會去滑雪,所以想去啲唔同嘅地方,或者去歐洲作一個月公路之旅,好似好奢侈,所以要計劃吓先。」她又笑指二人曾由加拿大開車到美國紐約參加影展,一開就是八個小時,自己中途打瞌睡,幸而老公喜歡駕駛。她又表示指早前拍了一部電影,接下來會去參加影展及宣傳,會繼續於事業上打拚。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。