唔啱時間造人！吳日言飯糰店逆市開分店

藝人吳日言到粉嶺為黃芳雯主持的香港開電視節目《30分鐘大放餸》擔任嘉賓，相識多時的兩人現時都已為人母，吳日言直言相當羨慕黃芳雯再佗B，也希望再生BB，她笑說：「今年時間唔啱，自己想生大B將來讀書會好啲，5至7月『造人』就最啱，依家就較住慢火慢煮住先，唔係驚個火熄咗，哈哈。」

吳日言與黃芳雯也有做生意，吳日言的飯糰店更逆市將在旺角開第三間分店，她笑說：「因為之前簽咗約，不過計劃都係希望兩年開四間，雖然環境唔好，山頂分店生意跌咗九成，每日得兩三百蚊生意，銅鑼灣嗰間就OK，因為都係以平價為主，反而啲人少咗去餐廳食飯，會幫襯我哋呢啲小店，所以都有信心嘅。」問到可有要求業主減租？她笑說：「都有傾，但係業主話我開咗鋪先啦，未開都唔知受到幾大影響。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。