小豬隔空放閃太冤氣 阿嬌忍唔住要抽水!

2019年09月29日 08:13
東網電視
更多新聞短片
羅志祥(小豬)同女友周揚青愈愛愈高調。
台灣舞王羅志祥(小豬)嘅內地網紅女友周揚青旗下服裝品牌最近同日本動漫「櫻桃小丸子」Crossover,推出聯名系列服飾,身為廿四孝男友嘅小豬當然瞓身支持,日前佢就着上印有小丸子卡通圖案嘅衞衣,嘟嘴賣萌自拍,並留言笑指:「我不管,我今天就是要當櫻桃小丸子」,落力幫女友宣傳。而周揚青亦晒出另一張着上同款衞衣,一樣嘟嘴賣萌嘅自拍照,情侶裝上陣之餘仲擺埋情侶甫士,表面上係為品牌宣傳,實際上隔空放閃,搞到一班網民都笑指「閃到盲」。
未知好友鍾欣潼(阿嬌)係咪睇唔過眼,佢呢日一樣化身「小丸子」玩埋一份,仲搞笑咁留言:「今天換我來做小丸子[笑而不語] 」,似乎「抽水」取笑小豬太冤氣,而周揚青則回應表示:「小丸子好忙,每天要換,還有男有女。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。