晒線撐朋友!黃婉曼孖老公Sweet爆現身馬場

2019年10月01日 14:00
東網電視
更多新聞短片
兩公婆一齊入馬場。
藝人黃婉曼(Icy)今日下午約一時半,同老公馮柏基拍住拖Sweet爆現身沙田馬場,微露線頭的Icy表示是來支持朋友,問到會否落重注?她笑言:「點都會支持,但會做吓功課先,唔會靠運氣。平時都有同老公傾吓馬經,我啲馬嘅知識都係嚟自佢,佢由細到大都畀家庭薰陶。」
問到可是每次投注都百發百中?馮柏基即謙稱:「冇咁犀利!」Icy在旁笑說:「唔好讚佢,哈哈!大女都有被感染,如果我講『加油』,佢就會講『馬』,佢都好鍾意睇賽事,佢好鍾意動物,有時都會帶佢去馬房,餵食紅蘿蔔,但佢最鍾意狗,第一個學識嘅生字係『Dog Dog』,之後就『Mouse』,因為佢鍾意米奇老鼠。」私下有學習策騎的Icy,表示小朋友長大後都會帶埋他們一齊學,因為覺得是一個好運動。
講到今日各區都有遊行活動,問到前來路上交通順暢?她說:「我哋都係住附近,所以都順暢。(有好多商場、舖頭都冇開,影響麵包舖生意?)舖頭喺偏遠地區將軍澳,都係做街坊生意,所以都OK,轉頭支持完朋友就會返舖頭。」同場還有許晉亨、樂易玲及兩名兒子。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。