【娛樂回帶】苑瓊丹演「石榴姐」最經典

苑瓊丹（苑仔）近日憑無綫劇《街坊財爺》「金牙嬌」一角而人氣急升，其實苑仔喺1983年入行之後，曾參與過唔少周星馳電影，經典角色包括《唐伯虎點秋香》嘅「石榴姐」、《九品芝麻官》「龜婆」等等，佢嘅喜感更加令到唔少人留下深刻印象。轉投無綫之後，苑仔繼續貫徹佢搞笑形象，拍下多個經典角色，包括《男親女愛》嘅「仙姐」、《皆大歡喜》古裝版嘅「紗紗郡主」、《皆大歡喜》時裝版嘅「金紗紗」等等！不過苑仔嘅戲路都好闊，佢喺《封神榜》裏面就飾演慈母「殷十娘」，當時佢喊戲場場，對哪吒無私付出令到觀眾們都為之動容，更為佢喺2001年嘅台慶頒獎禮帶嚟咗「十大我最喜愛電視角色」。如果想睇到苑仔歷年嘅經典角色，咁就一定要去片睇《娛樂回帶》啦！