陳健安Live唱到聲沙 感恩推出實體碟

2019年10月07日 17:16
東網電視
更多新聞短片
陳健安(On仔)舉行簽唱會。
歌手陳健安(On仔)舉行新歌簽唱會時演唱落力,搞到唱畢後竟即時失聲,受訪時表示因為可能唱得太激動:「因為知道今日唱嘅歌唔多,所以用盡咗力去唱,以前都試過類似情況而失聲,會就住嚟唱。」而訪問現場有圍觀市民大嗌口號,面對這種環境,舉行公開活動是否較困難?他謂:「我諗呢個環境任何嘢都困難,唔係只做音樂,各樣都係,大家經歷緊啲困難困境,但我覺得呢個時候音樂好緊要,抒發大家情緒,同埋音樂可以畀到力量大家,面對任何困境都行到落去。」
問到可有擔心?他謂:「冇嘢好驚,因為唔會知未來情況係點,有得出時就出,多謝公司同事support,呢個時間仲可以出實體碟,又或者有啲人聽完我嘅歌,情緒可以得到紓緩同抒發咁就好。」可會轉做多些網上live宣傳?他謂不時在社交平台上載放鬆心情的歌,讓大家好睡一點。On仔稱知道不少人近日都有失眠問題,他亦有少少失眠,特意學會一些方法如冥想、拉筋或者瑜伽,有助入睡。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。