自揭暗黑　泳兒宅女怕寂寞

歌手泳兒接受電台訪問，講到之前推出了多張HiFi靚聲碟，泳兒解釋與Pop Song的分別：「係要把聲好輕、好靚，因HiFi碟只係聽你把聲，仲要你把聲唔可以掩蓋啲樂器聲，但樂器聲又唔可以遮住你把聲，反而對歌手嘅唱功要求唔係好高，同埋唔鍾意咁多變化，只要穩穩陣陣唱得舒服，不過，呢個係我個人見解。」

談到新歌《明日花》有暗黑色彩，與泳兒過往的風格有別，她說：「前3年歌嘅產量都係比較少，首先係因為身體唔好，聲唔太得，沉澱咗3年後，發覺有啲嘢失去咗就失去咗，好似屋企人嘅事，聲帶嘅問題，所以，有咩想做應該同公司講、同表達，唔好再收收埋埋，人哋都唔知你想點，咁人哋咪賦予一啲佢認為啱嘅嘢喺你身上，變咗出嚟件事未必太好。」

問是否已經做回自己？她笑言：「我都有暗黑一面㗎，我有唔想做嘢想環遊世界、又想可以隱形，又想發脾氣時打爛晒啲嘢。（你畀人感覺係『宅女』？）一半半啦，我怕寂寞，但又要有自己空間嘅人。」