羅霖大仔美國讀Law遇阻滯 返港由頭嚟過

2019年10月08日 15:43
東網電視
更多新聞短片
養兒一百歲,長憂九十九!
藝人羅霖與鄭明明在中環出席活動,羅霖三個仔正在求學,二仔在美國讀大學修讀心理學更獲得獎學金,不過大仔在美國讀大學修讀法律卻有阻滯,已回港轉讀設計,她說:「同大仔都傾咗好耐,因為由頭嚟過嘥咗三年時間同埋七位數字嘅學費,當時我都好唔開心,覺得點解唔體諒媽咪咁辛苦做嘢,但最後都覺得小朋友嘅興趣、健康係最重要,惟有繼續努力做嘢,做到七、八十歲囉。讀法律壓力好大,喺外國讀書亦會受到一啲欺負,要睇自己夠唔夠堅強,我大仔讀書冇問題,係性格內向啲,反而係對外、同啲朋友問題處理唔到,返咗嚟香港就ok。」
她又指自己當年屋企經濟環境不好,沒有機會讀大學,將來退休也希望去讀大學圓成夢想。鄭明明則大讚契妹為了三個仔努力工作,對她相當佩服。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。