古天樂開金口唱生日歌 宣萱好「糕」興

2019年10月08日 17:15
東網電視
更多新聞短片
好驚呀!
藝人古天樂和宣萱(Jessica)早前為電影《犯罪現場》拍攝雙人海報,工作人員特意為Jessica準備蛋糕補祝她生日,突然收到蛋糕的Jessica非常驚喜,她邊吃蛋糕邊說出生日願望:「希望大家健健康康、開開心心!」當宣萱在攝影室看到工作人員捧着蛋糕時,她不禁興奮高呼:「Oh My God!我扮睇唔到!」一眾電影同事包括古仔、導演馮志強等為她唱生日歌後,一同合照留念。Jessica表示非常驚喜:「因為已經過咗正日,估唔到佢哋會準備,再加上人愈來愈大,好少會去慶祝生日。」Jessica吃着蛋糕笑說:「好味呀!好肥呀!大家可以平靜地,簡簡單單食住蛋糕咁過已經好開心。」
多年沒有接拍電影的Jessica,今次重遇不少相熟的演員及幕後班底,包括繼電視劇《尋秦記》後相隔17年再度合作的老拍檔古天樂,Jessica笑指戲中古仔演的角色很怪,跟他真人差不多,都是少說話,二人戲中演包租婆及租客,關係曖昧,Jessica津津樂道地說:「佢哋最正嘅地方就係表面上冇嘢,係空氣裏面會Feel到好似有嘢會發生,但係end up係冇嘅,好多戲嘅感情線,或者拍拖都係,拍咗就冇咗好開心好特別嘅感覺,永遠最特別係好曖昧嘅時候,但佢又冇其他戲嗰種咁明顯,套戲最特別係呢個地方,劇本寫得好好,拍嘅時候我都覺得好得意,當你以為有嘢嘅時候,呃…其實冇嘢發生!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。