吳亦凡減肥成功東京喪食 口水筷子有人買

20191010
東網電視
更多新聞短片
脹爆潘瑋柏(左起)、土香味趙今麥、減肥成功吳亦凡、招牌美腿Angelababy和大陸新一代Rapper福克斯。
昨日有網友在日本發現吳亦凡、Angelababy和潘瑋柏等人拉大隊去食海底撈,有食客大叫吳亦凡少吃點,原因係吳亦凡早排唔注意飲食,搞到成個肥佬咁。眾星殺入食店醫肚,罕有沒有戴上口罩和黑超,而現場所見,吳亦凡明顯瘦番好多,即時變番帥哥;反觀有個花名叫潘師嘅潘瑋柏就出晒事!佢突然脹爆變咗條肥帥,網友都忍唔住送佢一句,「中年發福很清晰了」。
其實咁多粒星聚一齊係為咗拍攝大陸一個關於潮流嘅真人騷,佢哋他們喺保鏢同工作人員護送下行過食客身邊,黑帽、黑衣配短褲的Baby盡騷招牌長腿,親和力強,微笑點頭向食客打招呼。至於小花趙今麥,佢演咗套科幻片《流浪地球》後紅到爆燈,加上可愛學生氣,是吸睛能手,不過打扮依然保留土香味,仲未潮得起。至於大陸新一代Rapper福克斯嘅人氣就爆晒棚,已經直逼吳亦凡同潘瑋柏。
不過佢哋今餐飯,竟然被無良商人睇中「商機」,網上流傳有人開賣吳亦凡用過嘅口水筷子,仲有潘瑋柏飲過嘅可樂,同Baby用完嘅面油紙,真係百貨應百客,大班網友即時狠批過分,話要抵制呢啲賣家。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。