賈思樂去人妻毛舜筠屋企4粒鐘搞咩?

2019年10月11日 15:39
東網電視
更多新聞短片
呢4粒鐘搵毛毛做咩呢?
歌手賈思樂到電台接受訪問,談到演唱會將於約1個月後開騷,他表示已採排到如火如荼,而6位女嘉賓包括毛舜筠及陳煒等「自動波」,要求與他夾台上服飾:「佢哋要求我影自己套衫畀佢哋睇,然後搵埋專業設計師幫佢哋訂製靚衫,依除咗楊思琦之外,其他人嘅衣着我都睇過,會畀到驚喜大家。」
一眾嘉賓望演出水準達標,更主動要求與賈思樂一齊練歌:「租用卡拉OK,或者被要求去佢哋屋企練,好似毛舜筠咁,佢竟然話要同我練4個鐘,佢唱一首歌咋。戚美珍直情錄埋音,話畀我知佢到時會點樣唱,其他嘅亦有提議話加插戲劇成分,咁始終演戲係佢哋強項!」
當被追問會否擔心演唱會因此遭搶鏡,賈思樂坦言:「我冇諗過呢個問題,女仔冇乜所謂啦,我只係希望大家享受台上交流,佢哋演出得好,我會戥佢地高興,亦相信佢哋到時嘅表現會係超水準,觀眾會發現佢哋每個獨當一面,可以開個人騷。」
--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。