明年擺酒!陳偉成11月簽字唔認奉子成婚

2019年10月12日 15:29
東網電視
更多新聞短片
陳偉成11月與圈外女友簽字結婚。
髮型師兼模特兒陳偉成(Avis)出席《2019獅子會全港學生三人籃球賽》記者會,表示會落場打,又自爆獅子會是與未婚妻的「紅線」:「其實我同老婆識咗好耐,但上年比賽我哋先撞番,因為佢支持朋友,所以見番面就聯絡番,所以我哋同呢個比賽好有淵源,獅子會叫我做大使就即刻嚟支持,好感恩,獅子會幫咗我,可能會改變咗我一生。(到時太太會嚟打氣?)係呀,做啦啦隊打氣。」
講到他入紙結婚,但明年才擺酒,他坦言:「因為想個婚禮plan好啲、完美啲,想多啲時間處理。(以為係有咗BB所以先有呢個安排?)唔係。(但想生小朋友?)有計劃嘅,因為我由細到大都想有小朋友,結咗婚會預備生小朋友。(唔二人世界?)覺得二人世界同三人世界冇乜分別,反而更sweet。」
問到幾時簽字?他表示11月簽字,但就會低調:「主要係會請屋企人嚟,藝人朋友就會留返擺酒先。」他又笑言自己很大頭蝦:「諗住入完紙就即刻book酒店,點知係要等擺喺婚姻註冊處冇人反對先得,先知成件事要搞咁耐。」問到現時心情可是很期待?他表示:「係呀,好興奮期待,進入人生第二個階段,衝擊下自己,上進心再強啲。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。