同男友一個月見一次!莊思敏堅持留港發展

20191012
東網電視
更多新聞短片
莊思敏同台灣男友分隔兩地。
藝人莊思敏(Jacquelin)今日現身仁濟盃賽,單拖上陣的她表示台灣男友Brian未有同行:「佢喺台灣,我哋大約一個月見一次,我得閒就飛過去囉!(飛來飛去覺得攰?)依家還可以,香港同台灣都唔算遠,但長遠都需要解決。(嫁去台灣?)我都要做嘢,如果去台灣發展我怕唔夠台妹,喺香港工作舒服啲。(男友嚟香港住?)未知,冇傾到咁長遠。(叫男友來香港開珍珠奶茶店?)香港太多珍珠奶茶店,競爭好大。」
另外,Jacquelin之前因社會議題而惹網友在其IG留言攻擊,她指社交網仍有小量留言:「但係控制唔到,我唔想因個別事件關閉咗個留言功能,希望時間去淡化件事。(有冇影響心情?)還好,我OK,我出道就開始畀人鬧,都慣咗,我比較惹火。(好考EQ?)EQ係練番嚟,我冇同網友開火,我之前都有同網民解釋同交流,後來發現大家溝通唔到,只會愈描愈黑,所以依家由佢淡化。」問到會否因此心淡而嫁人?她笑言:「係兩件事,香港需要多啲正能量,想做多啲開心嘅節目。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。