楊埕婚禮遇貴人　心郁闖荷里活

藝人楊埕早前到美國洛杉磯，出席武打女星好友陳鈺芸（JuJu）的婚禮，並逗留多天吃喝玩樂，她自爆此行認識了《我的超豪男友》亞裔演員吳育剛：「佢好好人，我哋喺JuJu婚禮度認識，佢有同我分享喺荷里活嘅發展，佢話如果我想喺某個地方做演員，應該要留喺嗰度，仲話可以介紹一啲Casting畀我。我哋有交換聯絡，好開心嘅，雖然我冇咁大理想，但有呢啲機會都好好。（想去美國發展？）未有計劃，不過隨緣啦，我鍾意即興。」

她又稱在當地策騎：「之前喺新疆試過好似女俠咁，策騎上山下海，好斜嘅山坡都行到，所以對我嚟講冇難度，只要同動物多啲傾偈就得。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。