被陳山聰爆私生活好亂!姚子羚主動色誘勁激

2019年10月12日 22:44
東網電視
更多新聞短片
咁老友都玩爆料?
藝人陳山聰、姚子羚到西貢為無綫劇《大步走》拍攝外景,二人均身穿運動服,劇情講到子羚因要避開張達倫而到山聰屋企借宿一宵。山聰透露與子羚之間有段美妙關係:「同現實生活中一樣,都係好朋友,會互相頂頸、影響,呢場戲就係晨早捉佢出嚟跑步,一齊講吓心事。」子羚續指:「由亦師亦友關係,之後會成日嘈交,佢直頭當我係男人,但最後原來心入面不經不覺係互相有大家。」
生擒兼送肉嘴
問到之後可會有親熱場口?山聰說應該不會有,加上劇本還未寫到,不過卻直指子羚私生活「好亂」:「佢中間又同張達倫、胡仔(胡諾言)咁,胡仔係飾演總裁,見到佢哋咁亂都卻步,都想佢幸福,但點知心入面已經有佢。」子羚即提醒山聰之後會拍不經意錫錫的戲份,再自爆如何色誘張達倫:「有擒喺佢身上面、嘈嘈吓交會突然錫佢、又會着性感睡衣,係激啲嘅!」山聰聞言即刻抵死耍手擰頭指他不需要:「我唔喇!呢套戲健康到不得了!講我要斷捨離一段舊情,係子羚嘅出現令我有少少重燃愛火,之後再認番Tiffany(劉穎鏇)呢個女,個心有開咗少少。」
拍劇以來曬得最黑
他們表示拍攝會持續到比較涼爽的11月中,問到拍攝《大》可是出得最多汗?子羚大呻反而是曬得最黑的一部劇,山聰更為她取新朵為「姚賓賓」:「你睇佢隻手都黑晒,佢本身好白㗎!曬黑咗好多,呢部戲最辛苦係拍外景好曬。」又一臉輕鬆預告本月內會拍攝「戲肉」:「拍真正嘅跑步戲。(要跑得好勁?)係佢(子羚)跑,唔係我,哈哈!我係做佢老師教佢跑。但佢跑得好好,夠輕身、乾身,會跑得舒服啲,負擔冇咁大,相反Tiffany就負擔大啲,講緊佢腳長、又高大,跑起上嚟就吃力啲!」子羚在旁「投訴」:「佢拍得真係好輕鬆,有時間食Lunch、又唔使點跑!」
冇為結婚操Fit身形
問到快將成人夫的山聰是否藉拍新戲Keep Fit?他笑話:「長期都Keep Fit,但唔係太刻意,身形唔好變化得太緊要就OK,我又唔係太太需要着婚紗,我係褸住晒,好醒咁遮晒所有位。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。