周奕瑋日本四國拍節目 港人認出求集郵

20191012
東網電視
更多新聞短片
周奕瑋有「日本通」之稱。
無綫藝人周奕瑋(Jarvis)最近出發到日本四國,拍攝全新旅遊節目,想不到此行身為「日本通」的他亦被考起﹕「事關我首次到訪四國,雖然事前做足準備功夫,但估唔到咁多人鍾意去四國,今次每逢遇到港人,佢哋都會推介我去『搵食』,覺得自己好有食神!」
拍攝期間Jarvis有機會穿上牛仔布特製的和服作「河上泛舟」,豈料最終他搞笑地「變身熊貓」﹕「本來導演係安排我好有詩意咁拍吓河道兩旁風景嘅,點知嗰度其實係旅遊景點,遇正唔少港人喺度遊玩,佢哋見到我就大叫,熱情到日籍船伕唔知發生乜事,後嚟仲有啲朋友喺上岸處等我合照,令我受寵若驚!」
而9月30日踏上旅途的他,遇正日本銷售稅提升的歷史時刻,他隨即跑去消費,儲單以作留念:「對上一次我拍《周遊關西》嘅時候,遇正日本改年號,今次又見證到加銷售稅嘅一刻,覺得自己同日本真係好有緣。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。