孖周國賢玩音樂?恆仔:希望畀到驚喜大家

2019年10月13日 12:01
東網電視
更多新聞短片
恆仔(左二)出席活動時談到近日同周國賢(圓圈)合作拍電影,而湯洛雯在活動前被大會以安全理由勸籲她不要出席。
樂隊ToNick到科學園出席開步禮活動,四子稱閒時都有運動,而主音趙善恆(恆仔)表示有興趣跑馬拉松,更計劃明年參賽:「因為我有Keep住跑步練氣,跑10K應該唔係問題。」恆仔又透露早前已完成拍攝電影《一秒拳王》,現可以放假休息下,之後再繼續為電影做後期工作。提到周國賢有份演出該片,兩人可會為電影在音樂上有合作?恆仔則大賣關子:「希望畀到驚喜大家啦!」
而日前周國賢在社交平台為社會事件發聲而受到抨擊,恆仔直言:「我有WhatsApp佢,好Proud of佢,有叫佢加油!」可擔心對方言論影響電影上映?恆仔說:「唔理咁多,上咗先算。」
至於講到另一嘉賓湯洛雯原本負責鳴槍儀式,但活動前大會則以安全理由換人,令她「被缺席」,四子表示:「唔清楚,反而係怕太早起唔到身,校定10個鬧鐘先得。(有冇擔心安全?)唔擔心,今日係跑步健康活動嚟,大家都好熱血。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。