馮盈盈張頴康浴室激戰 啜埋耳仔勁香艷

2019年10月14日 00:02
東網電視
更多新聞短片
馮盈盈和張頴康的浴室「埋牙」場口,大玩濕身誘惑!
《解決師》將於今晚首播,無綫播出超激預告,馮盈盈和張頴康有場浴室「埋牙」場口,兩人大玩濕身誘惑,馮盈盈恤衫盡濕透出性感內衣,鏡頭更來個特寫,令人血脈沸騰!張頴康則半裸上陣與盈盈激吻,情到濃時更用嘴啜盈盈的耳朵,畫面香艷!
盈盈受訪時說:「真係嚇一跳,都唔知今晚會播出嚟,嗰時同男朋友一齊睇緊,嗰一刻大家都唔敢睇,合埋眼,完全冇心理準備睇。(寶寶點睇?)佢話只好催眠自己,話只係一個似盈盈嘅女仔,之後佢打機平伏心情。(點補償佢呀?)今晚好乖,幫手執屋,要跪玻璃喇!(要守行為好耐?)播出街時候都要好好守行為,做個好女友。」她又指拍這場口時,已做足安全措施:「黐晒膠紙,張頴康都好專業,幫我遮啲穿崩位。拍咗成晚,成個身都皺晒皮,同埋飲咗好多水。(仲有更激場面?)之後睡房仲一場戲,總之又浪漫又纏綿。」
至於張頴康就笑着回應:「老婆唔會介意,不過佢講時有啲尷尬,我覺得佢係介意囉!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。