性感演出吓亲自己　李昭南向性骚扰Say No

艺人陈俞希（Hailey）、李昭南（Mishy）和英健朗（小占）早前首次合作拍摄Viu TV新剧《假设性无罪》，他们首次参演以性骚扰为题材的剧集，三人均指角色相当有发挥，是难忘之作。<br/><br/>睇Playback劲尴尬<br/><br/>Hailey直言今次角色内心戏较重，比以往更有突破：“我喺剧入面系演王敏奕嘅好朋友，自己亦都系好细胆嘅人，对公司任何同事嘅吩咐都唔会拒绝，同埋有啲我同敏奕嘅场口要讲番过往我受到性骚扰嘅经历，呢啲内心戏都好重，好考演技，系一个好好嘅磨练。”而Mishy则指角色的服装非常性感，故拍摄初时感到紧张：“剧入面我成日都要对客，啲衫一系好贴身一系就露背脊同事业线，同埋又要出口术嗲啲客，务求帮公司做成生意，因为啲衫咁性感，我记得第一日开工，个个见到我件衫都呆咗，大家都好尴尬，唔敢同我有对视目光，不过之后佢哋习惯咗就当我透明。其中有一场，我要着上超性感嘅衫，之后拍嘅时候，每一个镜头都要整一整，个画面都好震撼，之后睇番playback都觉得尴尬。”<br/><br/>剧集题材贴地外，更有好戏之人张慧仪和以及相隔多年没有拍剧的梁汉文坐镇，作为后辈的三人初时大感有压力，不过原来发现他们均是玩得之人。小占说：“佢哋冇畀压力我哋，个压力系自己畀自己，惊自己做得唔好，同埋因为慧仪姐个气场都好劲 ，唔笑个样都几恶，不过原来佢都好玩得，大家戏外又会玩啲小游戏，输咗要罚钱，成个团队都好似一家人好欢乐。”<br/><br/>跟前辈学嘢<br/><br/>虽然戏外欢乐一片，不过三人大赞两位前辈认真敬业的态度令人敬佩，绝对获益良多。Hailey说：“我学到系佢哋对演戏嘅态度，好似慧仪姐每次都会mark低自己着咩衫，佢话自己以前冇人帮佢，即使依家有人帮佢跟，但佢都会坚持做，因为我哋系跳拍，有时我自己都会乱咗唔知嗰场戏系着边套，佢会提番我哋，令我哋知道唔剩系记熟对白就得，呢啲都系演员嘅本分。”小占则指张慧仪教导他在情绪上的连戏，令他更加入戏。<br/><br/>剧中谈及性骚扰的话题，当中Mishy在现实中亦有所经历，她自爆曾收过性器官的相片、不雅录音和被人偷拍：“自己有过呢啲经历，试过有次被人偷拍，畀我发现咗，我即刻捉住佢骂，仲发现唔只我系受害者，手机入面仲有其她女仔相，所以我哋希望透过呢套剧话畀人听，忍受都系一个助长，出声唔只为自己伸张正义，亦减少受害者出现。”<br/><br/>场地：Mini Hotel<br/>Hailey<br/>Dress：www.girlboss.hk<br/>Hair：king@essensuals.hk<br/><br/>---------------<br/>立即参加“赏您睇”： https://tinyurl.com/y2e6pmwk <br/>Click下面粒掣，储on.cc coins！机票、家电、超市礼券、过万份奖品等紧你。