劇場監製曾浩賢猝逝 彭秀慧:人生無常

2019年10月15日 14:43
東網電視
更多新聞短片
曾浩賢因急性病突然離世,彭秀慧感到十分痛心。
舞台劇演員兼導演彭秀慧(Kearen)今日突然喺社交網透露劇場監製拍檔阿賢(曾浩賢),尋晚突然因急性病突然離世,令佢痛心失去戰友:「多年來一起打仗,見證彼此成長,為我緊守監製和前台崗位,是我非常重要的伙(夥)伴和朋友。他對香港劇界貢獻良多,永遠熱心助人,失去如此重要戰友,對我或是香港劇場都是一個極大損失和打擊。我們會永遠懷念他,同時以他的信念繼續做好他着緊的,無論劇場內劇場外,善良才是最大價值。」
而徐天佑亦留言懷念阿賢兩個星期前邀請佢嚟舞台劇,但因為佢當日有少少唔舒服,結果冇去,佢感嘆人生無常,要珍惜眼前人:「結果當日我有啲病,所以冇去到,我仲話,下次啦一定有機會,然後佢就叫我『好好照顧自己』,估唔到呢句就係最後一句 ,我連多謝收到佢嘅關心都未講,昨晚突然收到消息佢已經離世,人生無常,想向人表達愛 關心唔好等咁耐 即管去講,我哋唔會知道下一秒發生咩事,珍惜眼前人。」